विश्वकै कान्छी अर्बपति बनेकी केइली जेनरको कथा

एजेन्सी — केइली जेनर २०१९ को अर्वपतिको सुचीमा विश्वकै कान्छी अर्बपति बनेकी छिन् । २१ वर्षकी केइली चर्चित रियालिटी स्टार किम कार्दशियनकी बहिनी हुन् । हालै मात्र अमेरिकी म्यागेजिन फोर्ब्सले सार्वजनिक गरेको २०१९ को अर्वपति सूचीले उनलाई विश्वकै कान्छी अर्बपतिको रुपमा चिनाएको छ । उनले २०१६ मा कस्मेटिक्स उद्योग स्थापना गरेकी केइलीले दुई वर्षमै ठूलो सफलता हासिल गरेकी छन् ।
मार्क जुकरबर्गको रेकर्ड तोड्दै विश्वकै कम उमेरकी अर्बपति बनेकी केइली जेनरका विषयमा विश्वव्यापी चर्चा चुलिएको छ ।

उनको कम्पनीले करिब नब्बे करोड डलर (१ खर्ब रुपैयाँभन्दा बढि) को सम्पत्ति आर्जन गरेको फोर्ब्सले जनाएको छ । उनलाई ‘सेल्फ मेड’ अर्बपति भनिएको छ ।

केइलीले विगत तीन वर्षदेखि अनलाइन तथा विभिन्न ऐपमार्फत आफ्नो कस्मेटिक उत्पादन बिक्री-वितरण गर्दै आएकी छिन् । उनले अल्ट्रा नामक कम्पनीसित सम्झौता गरेपश्चात उनको कस्मेटिक एक हजारभन्दा बढी स्टोरमा बिक्री हुँदै आएको छ ।कम्पनीकी मालिक केइली एक्लै हुन् । जम्मा २९ डलरको लिपिस्टकबाट कारोवारको सुरुवात गरेकी उनको कम्पनीको मुल्य अनुमानित नब्बे करोड डलर पुगेको छ ।

ओपन हेइमरका अनुसार उक्त सम्झौता गरेको करिब ६ हप्तामै केइली कस्मेटिक्सले अल्ट्रामार्फत पाँच करोड ४० लाख अमेरिकी डलर बराबरको आफ्नो उत्पादन बिक्री गर्न सफल भएको थियो । त्यसयता केइलीले आफ्नो कम्पनीमार्फत झण्डै ६३ करोड अमेरिकी डलर बराबरको व्यापार गर्न सफल भइसकेको छ ।

उनको आयमा यसरी नै बढ्यो भने तीन वर्षमै विश्वकै धनी महिलाको सुचीमा पर्नेछिन् र, उनले फेसबुका संस्थापक मार्क जुकरवर्गलाई समेत पछि पार्नेछिन् । मार्क जुगरवर्ग २३ वर्षको उमेरमा फोर्ब्सको अर्बपति सुचीमा पर्न सफल भएका थिए ।

केइलीको कम्पनीको प्रोडक्ट बनाउने तथा प्याकेजिङ गर्ने काम सिड व्युटीले गर्दै आएको छ । यसैगरी बिक्री तथा बजार व्यवस्थापन सोपिफाई नामको कम्पनीले गर्दै आएको छ । कम्पनीको वित्तीय जिम्मा उनकी आमा क्रिसले गर्दै आएकी छिन् ।

केइलीले आफ्नो प्रोडक्टको मार्केटिङ्ग सोसियल मिडियामार्फत गर्र्दै आएकी छिन्, जहाँ उनको लाखौं फलोअर्स छन् । ‘यो सामाजिक सञ्जालकै शक्ति हो, जसबाट मैले केही कुरा सुरु गर्नुअघि लाखौं जनतासम्म पुगिसक्छ,’ केइलीले भनिन् ।

अल्ट्रा र केइलीको समन्वय उदाहरणीय छ । अल्ट्रामार्फत केइलीले महंगोदेखि सस्तो प्रोडक्ट बिक्री गर्छिन् । विश्लेषकहरुका अनुसार केइली केस्मेटिकले बालबालिकादेखि सबै उमेर समूहलाई आर्कषित गरिरहेको छ । क्रेडिट कार्ड नहुने तथा अनलाइनमार्फत सामान खरिद नगर्नेहरुको पहुँचमा समेत केइली पुग्न सफल भैसकेकी छिन् ।

अल्ट्राले केइलीको उत्पादन प्रबद्र्धनमा प्रमुख भूमिका निर्वाह गरेको छ । सेफोराको तुलनामा अमेरिकामा मात्र यसको सात सय बढी स्टोर छन् । अल्ट्राले अहिलेलाई त यस्तो ब्राण्ड पाएको छ, जसलाई मार्केटिङ्ग गर्न आवश्यक छैन । उनीहरुलाई आफ्नो उत्पादन बजारमा लैजान खासै कुनै फण्डा अपनाउनु पनि परेको छैन ।

‘केइलीले एक करोड मानिसहरु समक्ष पुग्न सफल हुनुमा सामाजिक सञ्जालको महत्वपूर्ण भूमिका खेलेको छ । उनले अनलाइनमार्फत राम्ररी काम पनि गरिरहेकी छिन् । तर अनलाइनले उनलाई पुर्‍याउन सक्ने भनेको यतिसम्म मात्र हो,’ बीएमओ क्यापिटल मार्केटका इन्क्वीटी रिर्सच एनालिस्ट सेनोन कोइनले भनिन्, ‘उनले सम्भवत महसुस गरिसकेको हुनु पर्छ कि अब योभन्दा अघि बढ्नु छ भने उनलाई एउटा पार्टनरको आवश्यकता पर्छ ।’

केइलीले सन् ०१७ मा ३० वटा नयाँ उत्पादन सार्वजनिक गरेकी थिइन् जसमा कन्सिलर, मेकअप ब्रश लगायत थिए । सन् २०१८ मा विभिन्न रङ्गमा यी उत्पादन बजारमा ल्याइएको थियो । हाल केइलीको कम्पनीबाट उत्पादित म्याटको लिपस्टिक तथा म्याचिङ्ग लिपलाइनर निकै चर्चित छ ।

फोर्ब्सले केइलीलाई ‘सेल्फ मेड’ भनेर उपमा दिए पनि सामाजिक सञ्जालमा यसमाथि प्रश्न उठाइएको छ । उनी कुनै विपन्न परिवारमा जन्मेर ठूलो संघर्ष गरी यो स्थानमा आएकी भने होइनन् । उनको परिवार पहिलेदेखि नै सम्भ्रान्त हो ।

उनका बुवाआमा उद्योगी हुन् । केइलीको सफलतामा परिवारका सदस्यहरुको पनि ठूलो हात रहेको विश्वास गरिन्छ । तर, उनको सम्पत्ति बुवाको भन्दा ९ गुणा र आमाको भन्दा १५ गुणा बढि पुगिसकेको छ ।

यस विषयमा प्रष्ट पार्दै फोर्ब्सले भनेको छ, ‘केइलीको पारिवारिक विरासत आफ्नो ठाउँमा भए पनि उनको कमाईमा परिवारका अन्य सदस्यको हात छैन । उनी एक्लैले यो उपलब्धी हासिल गरेकी हुन् ।’

आफ्नै बलबुतामा अहिलेसम्मकै संसारको सबैभन्दा कान्छी अर्बपति बनेकी छन् अमेरिकाकी काइली जेनर ।

फोर्ब्स म्यागजिनले सार्वजनिक गरेको सन् २०१९ को अर्बपति सूचिमा परेकी २१ वर्षीया जेनरले आफ्नो भाग्य शृङ्गारका सामानको व्यवसायबाट कोरेकी हुन्।

उनको कम्पनी काइली कस्मेटिक्सले गत वर्ष मात्र आफ्नो बिक्रीबाट ३६ करोड अमेरिकी डलर बराबरको आम्दानी गरेको थियो। उनी चर्चित कार्ड्याशियन परिवारकी सदस्य पनि रहेको बीबीसीले उल्लेख गरेको छ ।

एक्काइस वर्षमै अर्बपतिको सूचीमा पर्दा उनले फेसबुकका संस्थापक मार्क जुकर्बर्गलाई पनि उछिनेकी छन्। कान्छा अर्बपतिका रूपमा सूचीकृत हुँदा जुकर्बर्ग २३ वर्षका थिए।

जेनरले फोर्ब्सलाई भनिन्, “मैले यस्तो केही अपेक्षा गरेकी थिइनँ। मैले भविष्यको यस्तो लक्ष्य पनि राखेकी थिइनँ।”

“तैपनि यस्तो सूचीमा पर्दा साँच्चिकै खुसी लागेको छ। कसैले आफ्नो काँधमा धाप मारिदिएजस्तो लागेको छ।”

कुन् स्थानमा को- को छन्  ? ( सुची)

बीबीसीले उल्लेख गरे अनुसार सन् २०१९ को सूचीमा १३१ अर्ब अमेरिकी डलर सम्पत्तिसहित अमेजनका संस्थापक जेफ बेजोस शीर्ष स्थानमा छन्। उनको कुल सम्पत्ति गत वर्षको भन्दा १९ अर्ब अमेरिकी डलरले बढेको छ। तर फेसबुकका मार्क जुकर्बर्गको सम्पत्ति भने घटिरहेको छ। फोर्ब्स सूचीका अनुसार गत वर्ष रहेको उनको सम्पत्ति ६२.३ अर्ब अमेरिकी डलर रहेकोमा यो वर्ष त्यो ८.७ अर्ब डलरले घटेको छ। फेसबुकले गोपनीयतासम्बन्धी प्रकरणहरूमा सङ्घर्ष गरिरहँदा एकचोटि जुकर्बर्गको शेअरको मूल्य एकतिहाइले घटेको थियो।

उता अमेजनको शेअरको मूल्य बढ्दा त्यसका संस्थापक बेजोसको ब्याङ्क खाता बढाएको छ र दोस्रा धनी बिल गेट्ससँगको दूरी थोरै बढाएको छ।  माइक्रोसफ्ट संस्थापक गेट्सको सम्पत्ति चाहिँ ९० अर्ब डलरबाट बढेर ९६.५ अर्ब डलर पुगेको छ।

धनि ब्यक्तिको संख्यामा महिला बढ्दै 

फोर्ब्सको गणनामा परेका दुई हजार एक सय ५३ धनी व्यक्तिमध्ये २५२ जना महिलाहरू छन्।

आफ्नै पौरखमा सबैभन्दा धनी महिला भने चीनकी प्रभावशाली घरजग्जा व्यवसायी वू याजुन छिन्। उनको सम्पत्ति झन्डै ९.४ अर्ब डलर रहेको बताइन्छ।

आफ्नै प्रयासमा अर्बपति हुने त्यस्ता महिलाको सङ्ख्या पहिलो पटक सबैभन्दा धेरै ७२ पुगेको थियो जुन गतवर्ष ५६ थियो। सबैभन्दा धेरै अर्बपति अमेरिकाका ६०७ जना छन् भने त्यसपछि चीनका ३२४ जना छन्।

Binod_Chaudhary
विनोद चौधरी : फोर्ब्सको सूचीमा पर्ने विनोद चौधरी एक मात्र नेपाली हुन्[…]
विनोद चौधरी अर्बपतिहरूको सूचीमा १३४९ औँ स्थानमा छन्। फोर्ब्स म्यागजिनले यस वर्ष पनि उनलाई मात्र नेपाली अर्बपतिका रूपमा सूचीकृत गरेको छ। उनको स्वामित्वमा १.७ अर्ब डलर बराबरको सम्पत्ति रहेको फोर्ब्सले उल्लेख गरेको छ।

उनको व्यवसाय खाद्यपदार्थ, विद्युतीय सामग्री, बियर र होटलको क्षेत्रमा विभिन्न देशमा फैलिएको छ। ब्याङ्किङमा पनि उनको सहभागिता छ। उनी सन् २०१३ देखि फोर्ब्सको सूचीमा पर्दै आएका छन्।

प्रतिक्रिया दिनुहोस्