विद्युत् प्राधिकरणको वार्षिक नाफा ११ अर्ब नाघ्यो

काठमाडौं – नेपाल विद्युत् प्राधिकरणको यो बर्ष ११ अर्ब वार्षिक नाफा नाघेको छ । विद्युत प्राधिकरणका कार्यकारी निर्देशक कुलमान घिसिङले हाल विद्युत् नाफामा गएको बताए ।

४ वर्ष अघिसम्म ८ अर्ब ८९ करोड घाटामा रहेको प्राधिकरण अहिले नाफामा मात्रै होइन पूर्वाधारमा समेत लगानी गर्न सक्ने भएको कार्यकारी निर्देशक घिसिङको भनाई छ ।

प्राधिकरणको ३५ औं वार्षिकोत्सवको अवसरमा बोल्दै उनले आर्थिक वर्ष २०७६।७७ मा ११ अर्ब रुपैयाँ खुद नाफा गरेर विद्युतको पूर्वाधारमा लगानी गर्न सक्ने भएको बताए । उनका अनुसार आर्थिक वर्ष २०७२।७३ मा ३४ अर्ब ६१ करोड रुपैयाँ संचित घाटामा रहेको प्राधिकरण हाल ५ अर्ब संचित नाफा कमाउन सफल भएको छ ।

त्यस्तै विद्युत चुहावट पनि १० प्रतिशत हाराहारीले घटेको उनले बताए । आर्थिक वर्ष २०७२।७३मा २५ दशमलव ७८ प्रतिशत रहेकोमा आर्थिक वर्ष २०७६, ७७ मा १५ दशमलव २७ प्रतिशतमा सीमित गर्न सफल भएको बताए ।

यसले प्राधिकणको वित्तिय सुधारमा सहयोग पुगेको उनले जनाकारी दिए । विद्युत खपतको रुपमा हेर्ने हो भने चार वर्ष अघिको तुलनामा विद्युतको पहुचनै २३ प्रतिशतले बढेको छ । प्रतिव्यक्ति वार्षिक विद्युत खपत त्यो समयमा १ सय ३१ युनिट रहेकोमा अहिले २ सय ६० युनिट पुगको छ ।

प्रतिक्रिया दिनुहोस्